Македонија во Европска унија

Европска Унија мора да создаде енергетска унија со цел да ги обезбеди своите потреби и со тоа да ја намали својата зависност од рускиот гас, изјави премиерот на Полска, Доналд Таск.

Според проектот на Таск, кој беше објавен во Фајненшл Тајмс во вторникот (22 Април),  би се се состоел од единечно европско тело кое ќе купува гас за целиот блок од 28 земји. Со овој проект ќе се стави крај на системот кој во моментов ја приморува секоја земја да преговара за себе со енергетскиот гигант Гаспром, фирма поддржувана од владата, која доминира на рускиот пазар за гас.

Прашањето за енергетската независност, коешто одамна беше од особен интерес за источно-европските земји на ЕУ, за кое повеќето се жалат дека плаќаат превисоки цени на Гаспром, се повеќе се истакнува, најверојатно како резултат на тековната криза во Украина.

Минатиот месец Русија дупло ја зголеми цената на енергијата која ја продава во Киев, со тоа зголемувувајќи го пристисокот на веќе осиромашената влада во Украина.

Во меѓувреме, балтичката држава Литванија го тужи Гаспром, тврдејќи дека плаќа 35 отсто повеќе за својот гас отколку Германија.

Гаспром е моментално предмет на истрага од страна на Директоратот за конкуренција на Европската комисија во врска со нејзиното работење во осум земји на ЕУ, вклучувајќи ја и Литванија, и можно е да се соочи мултимилионска парична казна за злоупотреба на својата позиција како доминантна сила на пазарот на гас.

“Денес, најмалку 10 земји-членки на ЕУ зависат од еден снабдувач – Гаспром и тоа за повеќе од половина од нивната потрошувачка”, истакна Туск.

Сепак, европскиот комисионер за енергетика Гинтер Оетингер не го дели мислењето на Таск кој изјави дека дoговорите за гас помеѓу европските држави и Русија нема да бидат засегнати дури и ако се воведат економски санкции врз Москва поради својата улога во дестабилизацијата на Украина.

Од моите многу разговори со Гаспром, мојот впечаток е дека нашите руски партнери ќе ги исполнат своите договорни обврски”, изјави Отингер за еден германски неделен весник.

Целиот текст може да прочитате на следниов линк.

EUObserver

Европскиот парламент во средата усвои директива за намалување на употребата на пластичните кеси за еднократна употреба за 50 проценти до 2017 година и 80 проценти две години подоцна.

Државите ќе бидат во можност самите да изберат стратегија, како на пример да ги оданочуваат кесите или да ги забрануваат. Европските министри се должни да дебатираат во врска со овој закон во јуни, а и парламентот ќе продолжи со истото подоцна оваа година по претстојните избори во мај.

100 билиони пластични кеси се употребуваат секој ден во рамките на Европската унија и скоро 8 билиони завршуваат како ѓубре во европските мориња. 94 проценти од сите птици во северното море имаат во себе пластика според статистиката од Европската комисија

Екологистите ја поздравија директивата на ЕУ, но претставниците на Европската пластична индустрија беа критични.

“Исфрлените пластични кеси убиваат милиони морски животни секоја година. Тоа стана голем проблем во Европа и ова е таков проблем со кои што ќе мора да се справуваме сите заедно,” рече Крис Дејвис, европскиот портпарол за животна средина од либералдемократите.

Карл-Х. Фоерстер, извршен директор на трговска асоцијација Plastics Europe, смета дека на Европа не и се потребни нови правила на оваа тема туку дека и е потребно подобро управување со отпадот.

“Забраната на пластични кеси не е решение за да се справиме со проблемот на неодговорно користење”, рече тој, додавајќи дека ако им се овозможи на земјите да поставуваат сопствени правила на оваа тема ќе биде “штетно за слободното движење на стоки во Европа”.

Употребата на пластични кеси значително варира помеѓу земјите-членки. Во Данска, каде што пластичните кеси се оданочуваат, просечно човек користи 4 пластични кеси за еднократна употреба годишно со што се најниски во Европската унија. Во меѓувреме во Португалија, Полска и Словачка едно лице користи 466 пластични кеси годишно, според бројките на Комисијата.

Целиот текст може да го прочитате на следниов линк.

Reuters

Viktor Orban

Вчера (06.04.2014 година) партијата на Виктор Орбан повторно победи на парламентарните избори во Унгарија и покрај огромните критики за неговото владеење.

Пред неколку месеци Македонскиот центар за европско образование (МЦЕО) изготви информативен документ за тоа какви се механизмите на ЕУ да се бори за заштитата на темелните вредности, кои, според критичарите на Орбан, се под напад во Унгарија.

Документот можете да го погледнете на следниот линк.

Резиме на документот: 

Во изминатите 10 години популистички ветришта ги зафатија Источна и Средна Европа. Демократски избраните конзервативни власти во многу држави, во името на народот, спроведуваат политики што се во спротивност со модерното сфаќање на либералната демократија. Симптоматично, доколку се изземе авантурата на Јерг Хајдер од демократски консолидираната Австрија од почетокот на векот, популистичката мобилизација во поранешните комунистички држави се случи по влезот во Европската унија, за кој се сметаше дека ќе ја симболизира конечната консолидација на демократските режими. И покрај тоа што односот на популистичките автократи кон европските темелни вредности е во најмала рака сомнителен, Унијата досега не нашла задоволителен одговор на загрозувањето на принципите на кои се темели, делумно поради политичките компромиси и партиската солидарност на десничарските партии, а најмногу поради фактот што не постојат добри механизми за казнување на застранувањата од демократските вредности.

Овој информативен документ ги опишува целисходноста и ограничувањата на механизмите со кои ЕУ се бори за заштита на своите вредности, и тоа преку парадигматичниот пример на унгарската Влада која ја раководи Виктор Орбан.

Оваа година ќе имаме прилика да ја погледнеме првата телевизиска дебата помеѓу кандидатите кои се во трка за следен претседател на Европската комисија, и се очекува деталите за форматот на дебатата  да бидат предизвикувачки.

Европската радиодифузна унија (ЕРУ)- обично повеќе поврзана со овогодинешниот избор за песна на Евровизија,- ќе емитува дебата во живо помеѓу официјалните кандидати во седиштето  на европскиот парламент во Брисел на 15-ти Мај по 21:00 локално време.

Датумот е една недела пред изборите на ЕУ.

Учесници во дебатата ќе бидат Жан-Клод Јункер од Луксембург, поранешен премиер, за централно-десничарската ЕПП; германскиот претседател на ЕУ парламентот Мартин Шулц за централно-левичарската; белгискиот европратеник Ги Ферхофштат за либералите и Алексис Ципрас, водачот на грчката партија Сириза, за екстремно левите. Зелените допрва треба да се одлучат кои од нивните двајцата водечки кандидати (францускиот европратеник Жозе Бове или германскиот европратеник Ска Келер) ќе ги претставува во дебатата.

Дебатата ќе биде со времетраење од 90 минути. Петте политичарите ќе бидат “поттикнати” да зборуваат на англиски јазик.

Ќе се обрне големо внимание на редоследот по кој ќе зборуваат учесниците. Но се уште не е одредено ниту колку време ќе му биде доделено на секој учесник и дали ќе има конкретни теми за дискусија – како што се економијата или имиграцијата.

“Тоа е предизвик,” вели Бен Стјуард, задолжен за комуникации на ЕБУ

Големиот број на учесници е исто така проблем. За соочување на двајца политичари во кохерентна и интересна телевизизиска дебата е потребна вештина. Правејќи го истото тоа со пет политичари бара уште поголема вештина и одредена немилосрдност со стоперицата.

Оваа задача и е доделена на Моника Магиони, поранешен италијански воен репортер и актуелен директор на РАИ 24 вести.

Целиот текст може да го прочитате на следниов линк.

EUObserver

Едно од најважните прашања за легитимитетот и задоволството на граѓаните во демократското општество е довербата во институциите. Како дел од истражувањето “Студија за младите во Република Македонија 2013“ изработено од Институтот за социолошки и политичко правни истражувања (ИСППИ) и Фондација Фридрих Еберт се прашуваат младите во која институција имаат најголема доверба.

На младите им беше понудено да се изјаснат за довербата или недовербата кон вкупно 16 (јавни и приватни) институции, на скала од 1 до 4, при што 1 значи „воопшто не им верувам“, а 4 „многу им верувам“. Освен највисоките политички институции, листата на институции вклучуваше и меѓународни организации (ЕУ и НАТО), медиуми, НВО, религиски организации, синдикати и банки.

aaaaaaa

Според добиените резултати, најголема доверба младите од Р. Македонија имаат во меѓународните институции, Европската Унија и НАТО (М=2.6), до што е близу македонската војска (М=2.57). Овој податок според кој младите повеќе им веруваат на меѓународните политички институции во споредба со домашните институции, но и на медумите и граѓанското општество, е секако лош показател за состојбата на демократијата во Р. Македонија, погледната од перспектива на младите. Следна група на институции кои ја имаат довербата на младите се религиските институции (М=2.47), полицијата (М=2.46) и банките (М=2.42), по што следуваат синдикатите (М=2.34) и судовите (М=2.31). Блиски до средните вредности на корпусот политички институции, Парламент (М=2.05), Влада (М=2.21), Претседател (М=2.2) и локална самоуправа (М=2.23), се медиумите (М= 2.19) и НВО (М=2.16). Довербата во Парламентот на Р. Македонија е најниска помеѓу последната група институции и е поблиска до довербата во политичките партии, која е најниска во истражувањето и изнесува М=1.95.

500px-Logo_Friedrich_Ebert_Stiftung.svg_isppi-logo

Во случајот Судот (Големиот совет) одговара на прашањето дали при определувањето на висината на надоместокот за експропријација на објекти, треба да се земат предвид нивните посебни архитектонски, културни и историски карактеристики

Околностите на случајот

Апликантот бил државјанин на Турција роден 1903, а починал во 2005. Во време на настаните тој бил жител на Адана. Некаде во 1930 се стекнал со сопственост врз двоспратна камена куќа изградена во 1906, со површина од 516 м2 и со интересна архитектура. Во 1990, Комитетот за заштита на културното и природното наследство на Адана ја регистрирал куќата како имот со културно значење во смисла на Законот за заштита на културното и природното наследство од 1983. Во 1998 куќата била вклучена во проект за заштита на урбаната средина, а исто така била евидентирана во листата за заштита на културното и природното наследство на Советот на Европа.

Во 2000 надлежниот орган донел наредба за експропријација на имот во контекст на проектот за рехабилитација и регенерација на улиците околу изворот на Св.Павле. Во текот на постапката за експропријација, една група на експерти ја утврдила вредноста на куќата во износ од 36,856,856,000 Турски лири (околу 65,000 евра) што му бил исплатен на апликантот при трансферот на сопственоста. Апликантот повел судска постапка за зголемување на надоместот. Судот, врз основа на оцената и пресметката на уште две групи експерти кои ја зеле предвид и историската и културната вредност на куќата, утврдил право на надомест во висина од 181,448,588,000 лири.

Касацискиот суд ја укинал таа пресуда врз основа на член од Законот за заштита на културното и природното наследство според кој при утврдувањето на надоместот не може да се земе предвид вредноста на предметот на експропријација којашто произлегува од неговата старост, реткост или од неговите уметнички карактеристики.

Во постапката пред Судот е утврдено дека Касацискиот суд во повеќе наврати укинал пресуди на пониските судови во кои не било земено предвид намалувањето на вредноста на објектите како резултат на нивното регистрирање како објекти со културно и историско значење.

За да го прочитате целиот случај и коментарот, ве молиме следете го овој линк.

campaignlogo

По распадот на Југославија, земјите во регионот се соочуваат со големи политички, општествени и економски промени и превирања. Во периодот на транзиција и формирање на независни национални држави, градење на сопствени идентитети и демократски вредности, овие земји се стремат кон интеграција во Европската Унија. Македонија уште од 2006 година е носител на кандидатскиот статус, како и Србија и Црна Гора, додека Хрватска, оваа, 2013 година, стана земја-членка на ЕУ. По сите овие случувања и промени, со цел да се измерат ставовите, желбите и очекувањата на младите во земјите на поранешна Југославија, Фондацијата „Фридрих Еберт“ иницира спроведување на студија за млади во земјите од регионот. Во Македонија, истражувањето го спроведе Институтот за социолошки и политичко-правни истражувања при Универзитетот „Св. Кирил и Методиј“ во Скопје.

Основната цел на оваа студија е да ги измери, опише и објасни главните ставови, верувања и вредности на македонската млада популација во однос на: општеството, економијата, образованието, вработувањето, политиката, интеграцијата во Европската Унија, религијата, семејството, социјалниот живот и преференците за животниот стил. Студиите за младите отсекогаш биле, и сé уште се предмет на голем интерес, но идејата и иницијативата за ова истражување доаѓа од страна на ФЕС во вистинско време, бидејќи младата македонска популација, како и младата популација ширум светот, припаѓа на генерацијата позната во светот како Милениумска генерација, или Генерација Y (родени во периодот од 1981-1999 година). За младите од оваа генерациска група се верува дека поседуваат многу специфичен и уникатен сет на вредности, карактеристики и преференци, бидејќи овие млади луѓе се сведоци на многу општествени и економски трансформации во нивното неодамнешно минато и се генерација која е израсната во период на иновациско-технолошка кулминација.

Младите од Балканот, или поконкретно, од земјите на поранешна Југославија, се сведоци на повеќе драматични и впечатливи настани: граѓански војни, колапс на федеративната држава и сепарација во помали независни држави, премин од комунизам во капитализам, долг процес на транзиција, приватизација на општествената сопственост, визна забрана и визна либерализација, промена на домашните и странските валути, висока стапка на невработеност и сиромаштија – наспроти инстант-збогатување, мноштво политички и владини промени. Од друга страна, пак, во исто време се одвиваше ерата на иновација на компјутерите, мобилните телефони и Интернетот, што претставуваше своевидна револуција и почеток на нов, модерен начин на живеење, по што се карактеризира 21. век.

Исто така, резултатите можат да послужат за потпомагање и забрзување напроцесот на интеграција во ЕУ, преку идентификување на точките на совпаѓање и разидување помеѓу македонскиот (балканскиот/југоисточниот) и европскиот идентитет на младата популација и очекувањата за иднината.

Целата студија можете да ја погледнете на следниов линк.

500px-Logo_Friedrich_Ebert_Stiftung.svg_isppi-logo

Дата: 17.02.2014

Европскиот комесар за правда Вивиен Рединг предупреди дека Велика Британија ќе го загуби влијанието доколку излезе од ЕУ, и дека целата работа со тоа што британската влада го поставува прашањето за излегување од ЕУ, вусшност со тоа сака да го одвлече вниманието од вистинското прашање а тоа е да се најде решение за економијата на Европската Унија

“Вистината е дека доколку Велика Британија е надвор од ЕУ, ќе го загуби влијанието. Ако Велика Британија ја напушти ЕУ, таа не би да биде во можност да влијае врз регулативата на ЕУ. Тие ќе мораат да живеат по правилата кои ги одлучуваат другите земји на ЕУ ” изјави Рединг пред публиката во Кембриџ на 17 февруари.

“За да се ​​добиете пристап до единствениот пазар, мора да ги применувате правилата на пазарот. Само прашајте ги Норвежаните. Тешко е да се сфати зошто другите земји-членки би и одобриле на Велика Британија неограничен пристап до нивните пазари без притоа да бараат Велика Британија да ги применува правилата на ЕУ “, додаде таа.

Федералниот комесар исто така додаде дека реториката на конзервативците на Дејвид Камерон, кои сакаат повторно да се преговара за членството на Велика Британија во ЕУ и ветија референдум по ова прашање во 2017 година доколку тие победат на следните избори  е тоа дека го одвлекуваат вниманието од реалните проблеми со кои се соочува Унијата.

“Изнаоѓањето решенија за проблемите какви што ги има во банкарскиот и финансискиот сектор е она нешто кон што сите ние треба да ја фокусираме нашата енергија и креативност “, изјави Рединг.

Целиот текст може да го прочитате на следниов линк.

new_europe_logo

Автор: Roy Greenslade 

Дата: 17.01.2014

Европските судии ја поставуваат границата на приватноста  на политичарите

Јулија Гајет, жената која според магазинот „Closer“, била во двегодишна врска со францускиот претседател Франсоа Оланд, го тужи весникот за нарушување на приватноста. Според  AFP извештајот напишан од BBC, Гајет тужи за сума од 50.000 евра плус 4000 евра за трошоци на постапката.

Тужбата на Гајет би можела да заврши со одлука која го применува европското законодавство за човекови права. Ако е така, што ќе биде веројатниот резултат?

Во блогот на Лустиг кој го толкува европското право се вели:

„Ако правилно ги толкувам пресудите на Стразбур, согласно конвенциското европско право сосема е во ред да се разоткрие аферата, бидејќи постои легитимен јавен интерес за тоа како политичкиот лидер го води приватниот живот. Но сепак според судиите во Стразбур она што се случува зад затворени врати или условно кажано она што се случува помеѓу чаршафите, останува затворено и за јавноста, а ваквото правило важи и за претседателите и премиерите“.

Целосниот текст може да го најдете тука

the-guardian-logo

Дипломатик сала на Конгресниот центар на Скопскиот саем на 13.02.2013 во 10:30 часот.

Историски осврт на граѓанскиот активизам – Дефиниции и сфаќања за автентичниот граѓански активизам – Односите помеѓу различните граѓански иницијативи, движења и невладини организации – Односите помеѓу власта, политичките партии и граѓанското општество. – Разгледување на феноменот „контрапротест“ и другите искуства (поуките/предизвиците) на граѓанските иницијативи во Македонија. – Важноста на граѓанскиот активизам во процесот на европеизација на општеството и менување на политичката култура во контекст на европската интеграција на Македонија.

Дебатата е дел од проектот на ФООМ и МЦЕО насловен „Преговарачки тимови во сенка“, чија цел е подготвување на локални експерти за процесот на преговорите на Македонија со Европската унија, како и отворање на некои од клучните прашања поврзани со пристапувањето кон ЕУ, но и процесот на европеизација и демократизација на македонското општество.

На дебатата ќе биде претставен и документот за јавни политики “Предавници, платеници и сендвич-демонстранти: Граѓанскиот активизам во македонскиот јавен дискурс,” изработен од страна на Димитар Николовски од МЦЕО како дел од работните стипендии од Проектот за поддршка на граѓанското општество на УСАИД-Македонија и Фондацијата отворено општество-Македонија.

 

FOOM logo 20 god copy                                            logo14